Postuar më:10/04/2018

Ministri Majko takon shqiptarët në Zvicër

b8187f1b d67c 45bb b1d1 445348624762

Vizitën e punës në Zvicër, Ministri i Shtetit për Diasporën e nisi në Konsullatën e Zyrihut, ku u takua me Konsullen e Nderit znj. Anita Winter. Kjo e fundit ka ndihmuar në organizimin e një sërë aktiviteteve, të tilla si ai që u fokusua tek ndihma që shqiptarët u kanë ofruar familjeve hebreje. Në takim ishin të pranishëm edhe përfaqësues të shoqatave shqiptare që veprojnë në Zvicër, të cilët njohën Ministrin me nismat e ndërmarra për promovimin e gjuhës dhe kulturës shqiptare. Ndërsa përgëzoi të pranishmit për punën e bërë, Ministri foli për hapat e ndërmarrë deri më tani për të forcuar marrëdhënien e shtetit me diasporën. Ai u ndal në veçanti tek Ligji “Për Diasporën”, i miratuar të enjten në parlament, që do të mundësojë ngritjen e strukturave mbështetëse për shqiptarët jashtë vendit. Sipas z. Majko, ligji është garancia më e fortë e përkushtimit të qeverisë për ta trajtuar me prioritet çështjen e diasporës. Më pas Ministri Majko, i shoqëruar nga Ambasadori i Shqipërisë Ilir Gjoni, vizitoi qendrën Pesstalozi Hardau e drejtuar nga znj. Suela Jorgaqi. Qendra interkulturore e themeluar në 2009-n, i dedikohet të gjitha kategorive dhe grupmoshave të popullsisë. Ajo shërben edhe si biblioteke, ku mes mijera titujve ka edhe literature ne gjuhën shqipe. Qendra organizon aktivitete në 12 gjuhë, e mes pjesëmarrësve në veprimtari janë edhe shqiptarët. E-book është pjesë e praktës së qendrës, por vetem në gjuhë të huaja. Znj. Jorgaqi u shpreh optimiste përballë kërkesës së Ministrit për të mundësuar qasje online edhe për librat në gjuhën shqipe. Gjatë takimit  Ministri e vuri theksin tek nevoja e mësimit të gjuhës shqipe.

“Fëmijët  duhet ta ruajnë identitetin, në mënyrë qe të integrohen edhe në vendet e huaja”, tha Ministri, i cili foli edhe për rëndësinë e veçantë të botimit të librave për femijë.

Të rejat e fundit